繼早前傳出嘅「豪宅稅 (資本增值稅改革)」同「印花稅 (Stamp Duty) 改制」，另一項工黨有意用嚟填補龐大財赤嘅稅項，就係 地方物業稅 (Local Property Tax) — 或會取代現行嘅 Council Tax。
為何要改革❓
現時英國用緊嘅 Council Tax，係根據九十年代初嘅樓價估值去分級。三十幾年過去，樓市已經天翻地覆，但稅制仍然停留喺舊基準，導致好多地區稅負唔平均：倫敦同東南部嘅業主覺得「稅太輕」，而部分低價地區居民反而要承擔更重比例。
因此，政府傳出希望以物業現時市值作為基準，重新設計地方稅制。
新制度傳聞：
- 計算方法：按物業市值徵收，介乎 £80,000 至 £500,000 嘅物業，每年收大約 0.44%，最低 £800，上限約 £2,200。
- 繳納責任：由 業主（Owner） 承擔，而唔係現居住者。
- 更高價物業：有傳會設額外稅級，配合「豪宅稅」一併實施。
潛在影響：
- 地區差異
倫敦同東南部樓價高企，業主需要承擔更大稅負；而北部及中部地區，影響則相對有限。 - 樓市反應
如果稅制真係改變，部份業主可能選擇唔放盤，或者將物業轉作出租，從而影響二手市場供應。 - 政治挑戰
「加稅」始終係敏感議題，特別係 Council Tax 已經收咗幾十年，一旦改動，對選民情緒影響好大。
仍屬傳聞階段：
值得強調嘅係，所有建議仲係「傳聞」或「研究中」，最快要等到 秋季預算案 (10–11月) 先有更清晰答案。最終方案可能大改，甚至不了了之。
總結：
由「豪宅稅」到「印花稅改革」，再到「地方物業稅」，工黨政府正一步步將「樓市」放喺稅收政策核心，目的就係填補巨額財赤。至於會唔會正式推出，就要等秋季預算案揭盅。
想知道呢啲政策改變對你嘅物業會有咩實際影響？可以隨時聯絡我哋，為你提供清晰分析。
*資料源自網絡
