好多人香港人覺得去英國生活，
都期望住大屋，有個花園養下狗咁！
咁到底依家英國人到底係唔係真係咁鍾意住House呢？
小篇係公司樓下做下街頭訪問先！
咁小篇係街頭訪問左個年輕少女Mia，
佢係黎自東歐嘅留學生，初初黎英國時，
佢租咗間House黎住，但試過比人打劫，
損失現金同手提電腦，以後就怕怕，
依家租住市中心嘅Flat。
另一位係市中心做野嘅白領表示，
以前住House有一個好大嘅衣帽間，
但要開車始終有點唔方便，
市中心泊車亦都貴，
最後租咗距離公司15分鐘步程嘅flat 住！
最後一位係曼徹斯特北醫院做醫生的，
佢依家住House，因為喜歡大空間，
而且佢返工要On call 隨時候命，
有車比較方便！
小篇係呢個時候想分享一下英國太陽報嘅一篇報道，
最近有爆竊集團會用好多新奇嘅方法去知道House 嘅住客到底離開屋企幾耐，
佢地會分工合作了解住客返工時間，透過入信箱、用膠紙封鎖門鎖等去了解住客幾耐冇返屋企。
如果長期唔係屋企，好似去兩星期渡假，
就會係爆竊最佳嘅對象。
相反，住Flat相對上較安全，部分住宅有人24小時當值，
變相令匪徒難以入屋，加上一幢住宅有幾幾百個單位，令匪徒無從入手。
除此以外，House 普遍遠離市中心，
打工仔需要花更多通勤時間，而且市中心車位一位難求，
令英國人更喜歡住在市中心或交通方便的Flat。
睇完英國人的住屋潮流後，你又喜歡Flat 定House 呢？