今朝見到大廈外牆易燃物料嘅新聞，小編係時候同各位朋友講解吓EWS1 Form (External Wall Survey)依個問題。 事源於2017年嘅倫敦，因為Grenfell Tower嘅一場大火慘劇奪去咗72條人命，觀看以下YouTube可了解當時火災的現場情況。 事後查出該大廈嘅外牆物料因為採用Aluminium composite material Cladding導致火勢極速蔓延，於是英國政府即刻收緊外牆防火標準，立例要求全國18米高 (大約6-7層樓高)；2018年之後新起嘅大廈禁止再使用易燃物料作為大廈外牆嘅覆蓋層。而2018年之前興建嘅大廈，就需要特別資格嘅測量師去做EWS1依項檢測。 問題嚟喇！而家全英國合資格做EWS1 檢測的測量師大約少於300人，所以好多大廈而家仲係排緊隊做檢測。即使做完檢測驗到有問題，由於維修費高昂，都要管理公司，或者其他主leaseholders業主願意分擔維修費用先可以解決問題。另外，因為大廈未有EWS1 Form, 銀行係唔會接受按揭申請。所以各位遇到一定要俾現金Cash buy嘅物業時就要小心！ 小編知道好多香港人係用Cash buy英國嘅物業，如果地產Agent或者業主冇同你提及EWS1嘅潛在問題，各位業主就好容易出事。除咗未來物業升值想賣出時未必搵到買家外，住客嘅人身安全係更加係我地最擔心嘅問題。所以我地前線同事同發展商合作時，一定會跟進埋EWS1 Form，務求令大家係英國買樓或投資安心無憂。 希望依個資訊會幫到大家！如果大家覺得我地嘅資訊有用，就記得去我們的Facebook 專頁Like和Share啦！ 你可能會感興趣的專題： 英國買樓小學堂：關於英國續產權（leasehold）的冷知識 究竟孩子未來的安樂窩會變成怎樣？ 英國買二手樓程序略解｜買樓方法指南針 英國買樓印花稅-最重要的分析（上） 英國買樓印花稅-最重要的分析（中） 英國買樓印花稅-最重要的分析（下）

Read More