騙徒出沒注意
各位業主同租客朋友要小心！最近英國越來越多網上騙徒出租人哋嘅物業呀！最近BBC揭露左一個騙局，騙徒透過互聯網，假裝自己係業主，出租唔係屬自己嘅物業，仲呃咗唔少租客。
BBC訪問咗其中一個受害人Mary Whitbread，佢透過網站，睇咗啲睇樓嘅影片之後就聯絡騙徒俾晒按金租金租樓；係搬屋嗰日，Mary去到間屋門口，睇到棟晒牌仔For Sale話賣樓，就知道自己出事被人呃咗！佢嘗試聯絡警方，但警察都話愛莫能助。而家Mary唔單止冇咗一大筆租金，仲冇埋自己嘅屋企，所以大家係搵樓嗰陣，搵一個可靠嘅地產Agent 真係好緊要！
業內人仕表示，而家依啲騙案越來越普遍，真係令人感到好奮怒！地產業界已經催促警方採取相關行動，希望唔好再有受害者出現啦!
資料來源：BBC
影片來源：BBC News
