最近好多朋友查詢帶埋寵物移民英國的資料，我地就分享一啲實用資訊俾大家參考吓，希望幫到有需要嘅人啦。
當小毛孩千辛萬苦終於嚟到英國，就記得同佢去最近的獸醫診所登記喇！幫主子登記獸醫診所，就同大家登記GP的過程大同小異，都係到就近的獸醫診所親身登記，填張Form就搞掂。如果主子未有登記，獸醫診所係有權拒絕為你主子診症㗎！有些獸醫診所如Vets4Pets，在全英國都有分店，服務範圍收費都係網站詳細例明，大家可以上佢網站參考吓。
萬一不幸三間半夜毛小孩發生緊急情況，而獸醫診所又已經閂門，你就可以用提供24小時視像問診的獸醫App，例如係英國好多人用開嘅 FirstVet，都可以為你主子立刻提供視像診症。而當主子情況太緊急，獸醫便會轉介你到最近，而又提供24小時急症的獸醫診所立刻睇症。
另一方面，我們建議大家都幫主子們買份寵物保險。保費會根據你的寵物種類、大小而定，普遍保費都只是每月十至二十幾鎊。除了每年基本打針身體檢查Complete Care外，仲包括上述24小時急症視像問診服務。萬一主子頭暈身慶水土不服要睇獸醫，都可以睇得安安樂樂。除了不用擔心一次過要俾幾百鎊，甚至過千鎊的診症費用外，最重要係不會因小事而耽誤病情。一般獸醫診所都有保險公司介紹返，大家亦可以上 Money Super Market 之類的格價網站自己格價。
講咁多，係因為最近我們的客戶有小毛孩突然過身！同事們都有養寵物，半夜收到通知時已經盡力聯絡幫忙，但可惜事出太突然，小毛孩最後都救唔返，大家都好難過和非常不捨得。在此我們為客戶送上深切慰問。更祝願過來英國生活的小毛孩健康快樂，好好享受英國的新生活，日日去碌草地。
你可能會感興趣的專題：
- 英國買樓小學堂：關於英國續產權（leasehold）的冷知識
- 究竟孩子未來的安樂窩會變成怎樣？
- 英國買二手樓程序略解｜買樓方法指南針
- 英國買樓印花稅-最重要的分析（上）
- 英國買樓印花稅-最重要的分析（中）
- 英國買樓印花稅-最重要的分析（下）
