熟悉英國樓嘅朋友一定知道，係英國買樓有分freehold(永久產權)同leasehold(租用產權)。Leasehold表示你並不擁有永久業權，實際上你只係“租”呢個物業同建築土地一段特定嘅時間。 Lease length（產權年限）一般由99年到999年不等。係英國大部分樓齡大於80年嘅屋一般都唔會考慮續權。係倫敦，更可能係等到間屋剩翻少於20年樓齡先會去續。但要注意，申請時餘下嘅年期越長，通常所需費用就越少。
今日英華小學堂就同大家再深入多少少，講下關於係英國續權方面嘅小知識。
首先，如果想係英國續產權，一般需要係成爲業主兩年之後，先可以申請續產權（包括新樓）。 但係如果當時賣家（前業主）已經係度申請緊續年限，咁你（姐係新買家）都可以立即申請。
年期對樓價嘅影響
有時見到D二手樓好平，就要留意下會唔會係需要延期嘅物業啦。有D賣方會嘗試以全價出售物業，希望買方不會意識到需要延期要洗多幾多錢。通常黎講，續期除左係複雜艱苦的談判，仲係一個成本高昂嘅過程。但係如果我真係特別鍾情與果間屋，但年期低咁點算啊？小編建議投資之前要三思，或者最好由賣方係購買前由賣方承擔費用來延長租約。
如果物業年期少於90年嘅話，會對leaseholder比較不利。因爲任何少於80年租賃使用年期嘅物業，市場價值會開始出現顯著改變。如果你買果陣都係得翻85年，hold 10年，到想再賣翻出去，就變得艱難。因爲 低於80年產權，會比較難申請抵押貸款，首先就無佐一班潛在買家，即使係cash buyer有錢買，都會都會因爲以上原因可能選擇其他年期較長嘅物業，變相令到轉賣價值變低。
申請續期方法
正式渠道 VS 非正式渠道
非官方渠道：
直接同大landlord（永久業權業主）傾，直接傾通常就比較快，一般可能3個月就搞掂。續幾耐同要比幾多錢就你地自己傾。
官方渠道：
如果行·官方渠道，首先需要滿足成爲業主兩年呢個條件。跟住提交notice啓動流程，大landlord（永久業權業主）有兩個月嘅時間回復。注意，呢度講緊係開波咋，跟住落黎仲要兩方溝通，所以談判時間可能會last至6個月至兩年不等。申請年期上限一般係90年。官方渠道會有一個固定方法計算續租費用，呢個費用可能高達數万英鎊，費用取決與：物業價值，地租以及剩餘年期。
最後，除左續租本身嘅cost，申請人亦需要徵求律師代你辦理延長房產產權事宜。所以申請人另外仲需要繳付律師費以及房屋評估費。
你可能會感興趣的專題：
